Transcription
1
Monsieur, messieurs de ceste ville, par leur seguond consul, me présentèrent
2
hier leur réquisition pour les guardes, à la quelle toutesfoys henvoyer
3
a eulx, ilz hont réservé les douze hommes de commendement que
4
je leur havès bailhés et restablis pour commender et veylher sur les dictes
5
guardes, les quels ilz entretiendront à l’acostumée. Ilz prétendent
6
plus d’espergne et de descharge pour leur ville, ce que
7
je n’haye vollu changer sens vostre ordonnence et commendement, ne prévoyent.
8
Toutesfoys, monsieur, leur guardes en pouvoyer amoyendrir car celles
9
quy hont esté jusques à présent avecques toute la vigillence que
10
je i hey peu employer, hont esté tousjours si foibles et innutilles
11
qu’elles ne peuvent aller pys. S’ilz vous plaics, monsieur, apoincter
12
la dicte requeste avecques la réserve des douze carporals payés à
13
neuf sous pour guarde, vous le ferés ou bien le me commendent, je i
14
suivrey votre dict commendement et ordonnence. Je achepverey par
15
mes acostumées recommendacions très humbles à votre bonne grâce
16
et souvenence, suppliant mon Dieu vous donner,
17
monsieur, en parfaicte senté, contente et longue vie. De Chrest, ce
18
lundy premier jour de décembre 1572.
19
Vostre très humble et plusobéissant serviteur et
20
comme filz.
21
Deurre Doncieu
22
Ilz est forcé, monsieur, d’accorder les guardes en la forme contenue
23
dens la requeste car il i ha lonc temps que aulcung ne le veult
24
i entrer, mays c’est à faulte de payement.